Alimentos vivos de quinto

Bo día, este curso esta a piques de rematar, xa non queda nada. Hoxe na exposición do cole tivemos a visitar dos nosos nenos de infantil. Estivémoslle explicando un pouco de que trataba o noso proxecto.

Boas tardes a todos e a todas :) Esta mañá estivemos preparando o noso rinconciño na exposición do cole. A verdade é que todos e todas debedes vir a visitar a exposición o venres, xa que a profe Leti (entre outros/as mestres/as) está deixando a exposición preciosa! Colocamos todos os materiais e preparamos as explicacións, xa que o venres teremos representantes de quinto no noso posto, concretamente Martina, Alejandro, Javi, Carme, Fran e Sara Fernández. Eles e elas estarán explicando en todo momento todo o noso traballo ao longo deste trimestre. Aquí vos deixamos algunhas imaxes de como vai quedando :)

Hoxe, na carreira de obstáculos de Dumbría,  alumnos de quinto correron como auténticos campeóns! Que orgullo de alumnos/a 😊

Esta mañá estivemos elaborando unha nova versión do xogo "Hokey", a partir de materiais reciclados. O bastón, fixémolo con cartón, un pao de vasoira, papel de xornal e cinta americana. E os patíns son botellas recortadas e decoradas. Aquí vos deixamos unhas imaxes, da elaboración e do resultado final :) Sempre se pode buscar unha alternativa sostible aos xogos e as actividades :)

Boas tardes, deixovos por aquí o link da nova que saiu publicado esta mañá, no Correo Gallego, sobre a nosa actividade de limpeza da praia da Concha. https://www.elcorreogallego.es/area-de-compostela/ecg/solidariedade-ambiental-liberar-lixo-praias-portos-cee-malpica/idEdicion-2019-06-13/idNoticia-1188350/ Grazas, isto xa está rematando :)

Boa tarde, estas semanas están sendo moi movidiñas, xa que entre rematar todos os traballos que queremos presentar na exposición de fin de curso, revisar os medios xornalísticos e rematar a materia que nos queda por dar, estamos que case non podemos respirar. Pero o importante é que estamos moi orgullosos do traballo feito durante estes meses. Por iso, queremos amenizarvos algo a xornada e ensinarvos o noso videoclip, da nosa versión: Recicla, da canción Calma de Pedro Capó.

Este luns na aula estivemos preparando diferentes xoguetes que podemos facer con materiais reciclados, e que aos nenos e nenas lles fai tanta ilusión como regalos comprados. Estes concretamente están pensados para o alumnado de infantil. Os deseños están feitos para cada un dos alumnos e alumnas de 5ºB. Gustánvos?